ئەز ب كوردی لێ كورد ب تركی دگەل من دئاخڤن

  موزیکژه‌نا فرەنسی ئێلێنۆرا فۆرنیا راگەهاند کو ئه‌و دخوازە خوه‌ باش فێری کوردی بکه‌، لێ هه‌ڤالێن وێ یێن کورد لگه‌ل وێ ب ترکی دئاخڤن و نکاره‌ کوردیا خوه‌ پێش بخه‌.

ئێلێنۆرا فۆرنیا موزیکژه‌نه‌کا‌ فرەنسی یه‌، ب ره‌نگه‌کی ژ ره‌نگان کورد ناس کرنه‌، که‌تیه‌ بن باندۆرا چاندا کوردی و ده‌ست ب گۆتنا سترانێن کوردی کریه‌.

هونه‌رمه‌ندا فرەنسی ئه‌له‌ئۆنۆره‌ بخوه‌ ژ بۆ خوه‌ندنا به‌شا دیرۆکێ ژ فرانسایێ چوویه‌ ترکیێ و ل ور ژی هه‌ژماره‌کا‌ خوه‌نده‌ڤانێن کورد ناس کرنه‌. پشترا‌ بالا وێ چوویه‌ سه‌ر چاندا ده‌نگبێژیا کوردی.

ئێلێنۆرا فۆرنیا ژ رووداوی راگۆت: “به‌ری ئه‌ز بچم ترکیێ  من کورد ناس نه‌دکرن. ئه‌ز ژ بۆ فێربوونا موزیکا ترکی د سالا 2010ێ دا چووم سته‌نبۆلێ، ل وێ ده‌رێ ده‌ما من ل کۆنسه‌رڤاتوارێ دخوه‌ند هنده‌ک هه‌ڤالێن کورد ناس کرن و مه‌ ب هه‌ڤ ره‌ کۆمه‌کا‌ موزیکێ ب ناڤێ ئه‌سمه‌ن ئاڤا کر. ب وی ره‌نگی من ده‌ست ب موزیکا کوردی کر.”

ده‌ربارێ موزیکا کوردی دا ئێلێنۆرا فۆرنیاگۆت: “ده‌نگ، ستران و موزیکا کوردی گه‌له‌ک بهێزن. خوه‌شبوون و بهێزبوونا موزیکا کوردی هه‌ری زێده‌ بالا من کشاند. سترانێن ده‌نگبێژی گه‌له‌ک زه‌همه‌تن و ئه‌ز ژی هه‌ول ددم بێژم. ئه‌ز نابێژم ئه‌ز ده‌نگبێژم، لێ که‌یفا من ژ تشتێن زه‌حمه‌ت را‌ دھێت. کوراهیه‌ک سترانێن ده‌نگبێژی هه‌نه‌. ل سته‌نبۆلێ من ده‌نگبێژ خالدێ ناس کر، وێ ده‌مێ من بریار دا کو ئه‌ز ژی سترانێن ده‌نگبێژی ببێژم.”

ئێلێنۆرا فۆرنیا ئه‌شکه‌ره‌ کر کو ژ ده‌نگبێژن کورد ئه‌و هه‌ری زێده‌ ژ شاکرۆ حه‌ز دکه‌ و دا زانین کو وێ هه‌تا نها زێده‌یی 50 سترانێن کوردی گۆتنه‌.

ده‌ربارێ پرۆژه‌یێن خوه‌ ده‌ ئێلێنۆرا فۆرنیادا زانین کو ئه‌و نها ئاماده‌کاریا ئالبوومه‌که‌ نوو دکه‌، پشتی ده‌رخستنا ئالبوومه‌ دخوازه‌ لگه‌ل هنه‌ک هونه‌رمه‌ندێن کورد ژی دووه‌تێ بکه‌.

هونه‌رمه‌ندا فرەنسی هه‌روها دیار کر کو هه‌ڤالێن وێ یێن کورد ل شوونا ب کوردی ب ترکی لگه‌ل وێ دئاخڤن و گۆت: “هه‌ر که‌س ب من را‌ ب ترکی دئاخڤن. هه‌ڤالێن من

یێن کورد ژی ب من را‌ ب ترکی دئاخڤن، لۆما ئه‌ز نکارم باش فێری کوردی ببم، ئه‌ڤ ژ بۆ من پرسگرێكە. ئه‌ز دخوازم بچم  جهه‌کێ کو ب ته‌نێ کوردی دزانن. ب وی ره‌نگی کوردیا من دێ باشتر ببه‌.”

ئێلێنۆرا فۆرنیا ئاماژه‌ ب وێ یه‌کێ کر کو کورد ب ئه‌رێنی پێشوازی ل موزیکا وێ دکن و گۆت: “ده‌ما که‌سه‌ک بیانی ب کوردی سترانان دبێژه‌، گەلەك كەیڤا كوردان پێ دھێت‌، لێ جارنا ژی خه‌مگین دبن، چونکی دبینن کو وان زمانێ خوه‌ ژ بیر کرنه‌. ل ئه‌ورۆپایێ ژی زارۆکێن خوه‌ فێری ترکی دکن.”

نێرین / شیرۆڤە