بازرگانیکرن ب گیانێ مرۆڤان

نڤیسینا: بێوارحسێن زێباری

 ل سەر روویی ئەردی چ دەما مرۆڤ ب نەخوەشیەكێ دكەڤە ، ڤێجا ھەر نەخوەشیەك بە، ژ بۆ چارەسەریێ و خۆ پاراستنێ مرۆڤ سەرەدانا جهەکی دکە، ئەو جهێ مرۆڤ سەردانا دكە ژی کلینکێن نوژدارانە.

 ل ڤێرە یا من دڤێت ئەز بەحس بکەم ئەوە کۆ رۆژانە خەلک سەرەدانا نوژداران دکەن یان ژی نەساخ دبن کۆ بچنە نوژداری بەلێ مخابن كلینیكێن نوژداران بووینە جهەکێ بازرگانی نەک جھێ چارەسەریێ.

 خەلکێ ھەژار و كێمدەرامەت گەلەك گلەیی و گازندان ژ وان كلینیكان دكەن ژبەر نەبوونا داهاتیێ یان ژی کار هاتیە راوەستاندن و ئەڤە دبیتە جهێ هندێ کۆ بارێ ئابۆری یێ ھەڤوەلاتیان گەلەك گران ببە.

گەلۆ كی دێ گوھێ خوە بدە گلی و گازندێن وان وەلاتیێن ھەژار و دەستكورت، گلەییێن وان دی گەھنە جھێن بەرپرسیار؟  هەتا نهو کەس ل دووڤ ڤێ ئاریشەیێ نەچوویە كو  ڤێ ئاریشەیێ چارەسەر بكە. جھێن بەرپرسیار كار ل سەر ڤێ ئاریشەیێ نەكریە و ھەتا نھا چارەسەری ژێ را پەیدا نەكریە یان ژی ب خەم وەرنەگرتیە.  

لەوما دخازین دەمێ کەسەک یان نەساخەک سەرەدانا نوژداری بکەت دڤێت وژدان و هەژاری بەرچاڤ بێنە وەرگرتن ل هەمبەری وی/وێ، بەلێ نوکە ئەو تشت نینە و ناهێتە کرن. جهێ نوژداران وەک دەرمانخە و کلینیکێن نوژدارن بوونە جهێ بازرگانی نەک چارەسەریێ، لەومائەم ژ  ڤێ كابینەیا حكومتێ . دخازین رێیەكا چارەسەریێ ژ ڤێ ئاریشەیێ را ببینن

نێرین / شیرۆڤە